कान्छीको भट्टीमा एक रात

सिमसिम सिमसिम पानी परिरहेको अवस्ता,त्यसमा झन् चाडवाडको समय, नरेलाई आज निन्द्रा परेन/ चुहिएको खरको छानो त्यसमा नि डाँडाको घर, नरे चिन्ताले एकदमै व्याकुल थियो/ ऊ एउटा हलुंगेको भाडा लिएर पानीका थोपाहरु लाई समेट्ने कोसिसमा थियो/ नक्कली पनि आज कामबाट फर्केकी छैन, सायद आज मुख्याबाको मा धेरै पाहुना जम्मा भएका होलान् र भाडा सफा गर्दागर्दै ढिला भएको/ नरे बाहिर भित्र गरिरहेको थियो, लाग्थियो ऊ कतै जान नपार तड्पी रहेको थियो/ घरमा स्वास्नी नभएको मौका पारी नरे मूल ढोका ढप्कार भिज्दै भिज्दै बेसीतिर लाग्यो/ बेसी झर्नु नरेका लागि कुनै नौलो कुरा भने पक्कै होइन/ नक्कलीसंग झगडा पर्दा होस् या त गरिबीको चिन्ता मा होस् ऊ बेसी तिर झेरकै हुन्छ/

बेसी नरे जस्ता गाउँका अरु पुरुषका लागि स्वर्ग नै हो/ गाउँ कै ठुलो भट्टी र ताशको अड्डा बेसीमा छ/ बर्सेभरि जुवाताश चल्ने वेसीमा चाडवाडको समयमा त झन् मान्छेको,त्यो नि ठेट्ना केटाहरु को बडी नै मात्रामा उपस्थिति हुने गर्छ/ बेसीको मुटु भने भट्टीकी कान्छी हो/ गोरो मुहार,मिलेको शरिर त्यसमाथि लाजाउदै बोल्ने बानी; कान्छीको हावभाव मै ज्यान फाल्ने बेसीमा हजार भेटिन्छन्/ ग्लासमा लोकल रक्सि राख्दा होस् या भुटेको बंगुरको सुकुटी ग्राहकलाई दिंदा होस् कान्छीमा एक अलगै किसिमको फुर्ति देखिन्थ्यो/ नसालु नजर, रेसमी केस र मिलेका दन्त लहरले कान्छीको व्यक्तित्वमा झनै निखार प्रदान गरिरहेको थियो/ बाहिरी रुपमा जे भएनी भित्री रुपमा भने कान्छी एकदमै कम्जोर बन्दै गइरहेकी थिई आजभोली/ एक्लो ज्यान र छताछुल्ल भै पोखिरहेको योवन भइकन पनि आज सम्म घरबार नहुनुले कान्छी भित्रभित्रै जलिरहेकी थिई/ आफू संगैका साथीहरु ले लालाबाला लिएर हिँडेको देख्दा कान्छीलाई पनि इच्छा जाग्नु स्वाभाविक थियो तरपनि मन मिल्ने जीवनसाथी उसले आज सम्म पनि भेटाएकी छैन/

भट्टीमा आज धेरै मानिसहरु को उपस्थिति छ/ कान्छी टेबलफ्यानको हावा खाँदै कुर्सीमा बसीरहेकी थिई/ ऊ गम्भीर भइ केहि सोचिरहेकी थिई/ भट्टीको एउटा कुनामा नारेले आफ्नो आसन जमाएको थियो/ ऊ केवल कान्छीलाई एकहोरो नियाली रहेको थियो/ ऊ पनि गाउँका अरु ठिटाझैँ कान्छीको रुपमा मोहित थियो/ कान्छी पनि घरीघरी नारेलाई पुलुक्क हेर्थी र मुस्कुराउँथी/ यो नजरा हेर्दा लाग्थ्यो की दुई प्रेमी एकापसमा लुकामारी खेलिरहेका छन्/ धेरै दिन अघिबाट नरे कान्छीलाई केहि भन्न खोजिरहेको थियो तर भन्न सकिरहेको थिएन/ लोकल रक्सीको तीन पेक चिरिप्पा पारेर नरे कान्छी बसे नेर गयो/ कान्छी नरेको सामिप्यताले निकै खुसी भई/ धेरै दिन अघिबाट ऊ यो सामिप्यताको प्रतिक्षामा थिई/

नारेले कान्छीको हात समात्यो र भित्र कोठातिर लिएर गयो/ कान्छीको मन अब भने अतालिन थाल्यो/ ऊ केवल नरेका आँखामा हेरिरहेकी थिई/ उसलाई केहि कुराको होस भएन/ वएस्क पुरुष र योबनले भरिएकी केटी एक बन्द कोठामा गएको देख्दा भट्टीको माहोल नै परिवर्तन हुन पुग्यो/ कान्छीलाई खाटमा राखेर नरेले कोठाको ढोका भित्रबाट बन्द गर्यो/ कान्छी अवाक भई/ शरीर सिथिल भयो/ मोतीझै पसिनाका दानाहरू कान्छीको निदारमा स्पस्ट देखिन्थे/ उसलाई यस्तो अवस्ताको कल्पना पनि थिएन/ आफूले मनपराएको व्यक्ति त्यसमा नि बन्द कोठा भित्र पाउँदा उसको मनमा कहिकतै खुसीका लहरहरु थिए तर पनि समाजको डरले भने उसलाई नरेको समीप हुनबाट रोकिरहेको थियो/

आफ्नो सम्बन्धलाई दाउमा राखेर नरे कान्छीलाई विवाहको प्रस्ताव राख्यो/ कान्छी अकमक्क परी, केहि बोल्न सक्ने अवस्तामा रहिन ऊ/ उसको स्मृतिमा केवल नरेले विवाह प्रस्ताव राख्दा बोलेका शव्दहरु छताछुल्ल भइराखेका थिए “कान्छी म तलाई एकदमै माया गर्छु, के मसंग विवाह गर्छेस्?”/ उसलाई निर्णय दिन गारो भयो/ एकापट्टी आफूले मन पराएको व्यक्ति अर्कापट्टी नक्कलीको घरवार, उसलाई फसाद पर्यो/ नक्कली कान्छीको सानैदेखि की साथी; नक्कली घरको ढु:ख सबै कान्छीलाई नै पोख्ने गर्थी/ कान्छीपनि भविष्यमा राम्रो होला, नरे दाइले काम पाउनु होला र सुखसँग राख्नु होला भन्दै नक्कलीलाई सम्झाउने गर्थी/ आज भने ऊ आफै दुई लोग्ने स्वास्नीको बिचमा आउन पुगेकी छे/ नारेलाई ऊ वेसुमार माया गर्छे तर आफ्नो साथीको खुसी छताछुल्ल भएको हेर्न सक्दिन थिई/ त्यसैकरण उसले नरेको विवाह प्रस्तावलाई ठाडै अस्विकार गरिदी/ पूरा भट्टी कान्छीको चिच्याहाटले गुन्जयमन भयो; ”पात्येको जडिया! एउटी स्वास्नीलाई त मुखियाको मा बन्दकी राख्या छस् मलाई के खुवाएर पाल्छस्? म तलाई मायासाया केहि गर्दिन/ आफ्नो स्वास्नीलाई त खुसी दिन नसक्ने जडियाले मलाई ताक्ने ;तँ गइ हाल मेरो यो भट्टीबाट,गइ हाल/”

नरेलाई छाँगाबाट खसेझै भयो/ रातको दुई बजिसकेको थियो/ नरेले बल्ल नक्कलीलाई सम्झियो/ ऊ खुट्टा टेक्ने अवस्तामा थिएन/ कान्छीको एक बोली उसका लागि अमृत सावित भयो/ उसले नक्कलीसँग बिताएका सुखदु:खका पलहरु को सम्झना गर्यो/ पानी रोकी सकेको थियो/ कुकुरको भौभौले गुन्जयमन थियो वेसी/ नरे एक्लो थियो,उसका आँखामा केवल कान्छी र कान्छीका भनाइहरु छछल्कि रहेका थिए/ उता कान्छीपनि मनमा गुम्सिएका भावनाहरु अस्रुधारामा समेटी राखेकी थिई/ उसलाई असइय भयो र राती नै वेसी छाडेर गई/ नरे जसोतसो घर पुग्यो,नक्कली ढोकामा नरेलाई कुरेर बसिरहेकी थिई/ स्वास्नीको यस्तो मायाले ऊ भक्कानिन पुग्यो/ नरेलाई प्रेम नपाउदाको पीडाको आवास अघिनै भइसक्या थियो/ नक्कलीले बेसुमार माया गर्दापनि आफूले घृणा मात्र दिएको मा उसलाई आत्मग्लानी भयो/ उसले नक्कलीसँग माफी माग्यो र भोलीबाट आफूपनि काम खोजि हिड्ने प्रण गर्यो/ आफूले प्राण भन्दा बढी माया गर्या मान्छेको यो भनाइले नक्कलीका आँखा रसाए/ नरे नक्कलीको काखमा अघि नै निदाइ सकेको थियो/ नरेको कपाल मुसार्दै नक्कलीले पनि पूरा रात काटिदिइ/ बिहान नरे काम खोज्न सहरतिर हान्नियो, नक्कली सधाझै मुखियाबाको मा काम गर्न हिंडी/  बेसी भने सुनसान थियो,सायद सबैलाई हसाउने कान्छी नभएका ले होला/